"Barselona"nın prezidenti olan Joan Laporta komandanın baş məşqçisi Xavinin gələcəyi haqda danışıb.
Newsport.az "Barça Universal"a istinadən xəbər verir ki, o, mütəxəssislə yolları ayırmağı düşünmədiklərini deyib: "Biz Xaviyə tamamilə güvənirik".
Hazırda "Barselona" İspaniya çempionatının turnir cədvəlində 35 xalla 3-cü pillədə qərarlaşıb. Komanda lider "Jirona"dan 9 xal geri qalır. Çempionlar Liqasının 1/8 final mərhələsində Kataloniya klubu "Napoli" ilə qarşılaşacaq.
Xavinin Barselona" ilə hazırkı müqaviləsi 2025-ci ilin iyununa qədərdir. Son zamanlar onun istefaya göndərilə biləcəyi ilə bağlı xəbərlər yayılıb.