“Yuventus”un keçmiş müdafiəçisi Corco Kyellini futbolçu karyerasını başa vurub.

Newsport.az xarici KİV-ə istinadən xəbər verir ki, 39 yaşlı oyunçunun son klubu 2022-ci ildən çıxış etdiyi Amerika “Los-Anceles”i olub. O, İtaliyanın “Livorno”, “Yuventus” və “Fiorentina” klublarında da çıxış edib.

Kyellini “Yuventus”la birlikdə 9 dəfə ölkə çempionu olub, 5 dəfə İtaliya kubokunun qalibi olub, iki dəfə Çempionlar Liqasının finalına yüksəlib.