Belçika millisinin hücumçusu Leandro Trossard AVRO-2024-ün seçmə mərhələsi çərçivəsində bu gün Brüsseldə Azərbaycan yığmasına qarşı keçirəcəkləri oyunu haqda danışıb.

Newsport.az-ın məlumatına görə, “RTBF”ə açıqlama verən yarımmüdafiəçi matçın asan olmayacağına işarə vurub:

"Qrup mərhələsini birinci yerdə başa vurmaq baxımından Azərbaycanla görüş çox vacibdir. Özü də, bunu azarkeşlərimizin önündə etmək əsl şansıdır. Azərbaycanla görüş gözlədiyimizdən də çətin keçəcək. Bakıdakı matçda meydança yaxşı durumda deyildi, bu da oyunumuza təsir etmişdi.

Üstəlik, onlar yaxşı müdafiə olunurdular. Azərbaycan millisinin səviyyəsi məni bir az təəccübləndirdi. Yaxşı komandadır. Biz sadəcə olaraq onları öz meydanımızda məğlub etməliyik".