Noyabrın 7-də Çempionlar Liqasının H qrupunun 4-cü turunun matçında “Şaxtyor” (Donetsk) “Barselona” ilə qarşılaşıb. “Şaxtyor” bu görüşdə 1:0 hesabı ilə qalib gəlib.

Newsport.az xarici KİV-ə istinadən xəbər verir ki, Ukrayna klubu oyunda qapısını toxunulmaz saxlamaqla avrokuboklarda 17 matçlıq qol buraxma seriyasını qırıb.

H qrupunun turnir cədvəlinə dörd oyundan sonra 9 xalla “Barselona” başçılıq edir. “Şaxtyor” 6 xal toplayıb və üçüncü yerdədir.