"Napoli"nin hücumçusu Viktor Osimhen komanda yoldaşı Xviça Kvaratsxeliya ilə arasında olan münasibətdən söz açıb. Newsport.az xəbər verir ki, nigeriyalı forvard Gürcüstan millisinin üzvünü çox sevdiyini söyləyib:
"Onu çox sevirəm. Aramızda əla münasibət var. Xviça çox yaxşı insandır. Komandada ona "sehrbaz" deyirik".
Xviça 2023/24 mövsümündə Neapol təmsilçisinin heyətində bütün turnirlər daxil olmaqla 11 oyuna çıxıb, 3 qol vurub, 5 məhsuldar ötürmə edib.
Son İtaliya çempionu "Napoli" hazırda ölkə çempionatının turnir cədvəlində 17 xalla 4-cü pillədə yer alır.