Azərbaycanın daha bir parataekvondoçusu Niderlandın Rotterdam şəhərində keçirilən Avropa paralimpiya çempionatında medal qazanıb.

Newsport.az-ın məlumatına görə, 63 kq çəki dərəcəsində mübarizə aparan Amin Şıxalıyev bu turnirin bürünc medalını qazanıb.

Xatırladaq ki, daha öncə Azərbaycanın digər idmançılarından Sabir Zeynalov (58 kq) da Avropa çempionatında bürünc medal qazanmışdı. Röyalə Fətəliyeva (52 kq) isə yalnız finalda uduzaraq, fəxri kürsünün ikinci pilləsinə qalxıb.