Azərbaycan futzal yığmasının baş məşqçisi Biro Jade Avropa çempionatının əsas seçmə mərhələsində Bosniya və Herseqovina yığmasına 5:4 hesabı ilə qalib gəldikləri matçdan sonra mətbuat konfransı keçirib.
Newsport.az-ın məlumatına görə, braziliyalı mütəxəssis ilk olaraq oyun haqda danışıb.
- Dörd gün ərzində 3 oyun keçirməliyik. Təcrübəli komandayıq, amma belə turnirlərdə bu cür səhvlərə yer vermək olmaz. Hesab 4:2 olarkən çox vacib qol imkanlarından yararlana bilmədik. Səhvlərimiz oldu. Lakin indi təhlil aparmaq üçün vaxtımız yoxdur. Qarşıda hələ 2 oyunumuz var. Düşünmürəm ki, bu gün göstərdiyimiz oyun komandamızın maksimum bacarığıdır. Futzalda mövcud olan tendensiya son dünya çempionatında alt-üst oldu. Bütün oyunlarda qələbə qazanmaq üçün var gücünlkə mübarizə aparmalısan.
- Rövşən Huseynlinin 3 qolda gunahı oldu. Qapıçımızın oyununu necə qiymətləndirirsiniz?
- Qol buraxırıqsa, bu tək Rövşənin yox bütün komandanın günahıdı.
- Cəmi 3 azərbaycanlıya şans verdiz. Bə qalanları?
- Rəqib cüssəli oyunçulardan ibarət idi. Buna ən uyğunları oynadı Rövşənə gəlincə, qapıçı qol buraxanda həmişə diqqət mərkəzi düşür. Lazımi epizodlarda Hüseynli bizə kömək etdi.
- Macarıstan və Albaniya yığmaları haqda fikirləriniz necədi?
- Çox maraqlı oyun idi. Bu komandaları təhlil etmişdim. Əvvəl gördüyüm sistemdə oynayırlar.
- Bu gün çox çətin qələbə qazandıq. Ancaq əvvəllər evdə əksər reqibləri asan məğlub edirdik. Nə oldu indi?
- Əvvəllər favoritlər qalib gəlirdi. Dünya çempionatında bu tendensiya alt-üst oldu. Hər komanda maksimum mübarizə aparır. Hər oyunda canını qoymalısan.
- Bu, yığmamımızın maksimumu idi?
- Qətiyyən! Səhvlərimiz çox oldu. Amma indi təhlilə vaxtımız yoxdu. Sabah bizi növbəti sınaq gözləyir.
- Bir gecəyə problemləri necə həll edək?
- Əsas qələbə idi, bunu da qazandıq.
- Vaxtilə yığmamızda düşünən beyin var idi - Biro Jade. Bu gun komandamızda belə oyunçu yoxdu. Braziliyada sizin səviyyədə oyunçu qalmayıb?
- Əvvəla, komplimentə görə təşəkkür edirəm. Braziliyada axtarışlarımız davam edir. Ancaq bu oyunçuların arasında da potensialını açmayanlar var. İnanıram ki, onlar hələ sözlərini deyəcəklər.
