"Qarabağ"ın oynuna bilet almaq üstündə növbədi FOTOLAR

Kateqoriya: Avropa Liqası | Tarix: 25.08.2015 16:00

UEFA Avropa Liqasının play-off mərhələsi çərçivəsində baş tutacaq "Qarabağ" - "Yanq Boyz" qarşılaşmasının biletlərinin satışı bugündən başlanılıb.

Newsport.az-ın məlumatına görə, bilet satışının ilk günü olmasına baxmaraq, kassa önündə azarkeş növbələri yaranmışdır.

Sevincidir haldır ki, azarkeşlərin hər biri bilet satışından razıdır və hər kəs kassaya sıra ilə yaxınlaşaraq biletini alır. "Qarabağ" FK rəhbərliyi azarkeşlərin böyük marağını diqqətə alaraq onlara təşəkkür edir.

"Qarabağ" FK rəhbərliyi azarkeşlərin oyuna olan böyük marağını nəzərə alaraq kassada gücləndirilmiş iş rejiminə keçmişdir. "Qarabağ" FK tərəfindən hüquq mühafizə orqanlarına müraciət edilmiş və kassa ətrafına polis briqadaları yerləşdirilmişdir, eyni zamanda klub işçiləri və könüllülərdən ibarət gənclər satışa nəzarət edir və azarkeşlərin sıra ilə bilet almasını təmin edir.

"Qarabağ" FK rəhbərliyi vətəndaşlardan xahiş edir ki, qanunsuz bilet alverinin qarşısının alınması üçün mütləq kassalardan bilet alsınlar. Kassadan bilet almaqla "işbaz"ların alverinə zərbə vuraraq vətəndaşlıq mövqeyini sərgiləmiş olarsız.