"Qəbələ" - "Panatinaikos" matçından sonra birincilərin vitse-prezidenti Fariz Nəcəfov Newsport.az-a müsahibə verib:

-  Matç barədə fikriniz necədi?
- Uşaqların hamısına təşəkkür edirəm. Nə gücləri var idi, meydanda qoydular. Mənə elə gəlir ki, qələbə də qazanmaq olardı.

- Komandanın yorulduğunu siz də hiss edirdiz?
- Hər iki komanda yorulmuşdu. Çünki əvvəldən axıra kimi sürətli oyun, açıq futbol getdi. Razıyam ki,sona 10-15 dəqiqə qalmış yorğunluq var idi.

- Bu hesabı “Qəbələ” üçün sərfəli saymaq olar?
- Əsas odu ki, qol buraxmadıq. Udsaydıq daha yaxşı olardı. İndi çalışmaq lazımdı ki, Afinada qol vuraq. “Panatinaikos” kimi rəqiblə başabaş oynamaq yaxşı nəticədi. 

- Cavab oyunöncəsi “Qəbələ”nin şanslarını necə dəyərləndirərdiz?
- Əgər səfərdə də belə oynasaq şanslar bərabərdi. Bu cür xarakter göstərə bilərik.

- Aleksey Antonovun bu cür oyunu görəndən sonra düşündüz ki, “Qəbələ”yə yeni hücumçu lazımdı?
- Hələ də inanıram ki, Antonov öz oyununu tapacaq. Onun əvvəlki oyunlarına baxmışam. Çox yaxşı oynayıb. Hücumçular da olur da belə hallar. Adaptasiya yaşayırlar. Sözsüz ki, razıyam hücumda problemlərimiz var.

- Razısız ki, əvvəlki oyunlara baxanda bu gün ajiotaj zəif idi?
- Təhlükəsizlik “Apollon”la oyuna nisbətən yüksək səviyyədə təşkil olunmuşdu. Meydana yad əşya və butulka belə atılmadı. Razıyam ki, əvvəlki çılğınlıq yox idi. 

- Komanda istəksiz oynayırdı. Bu kapitanın yoxluğu ilə əlaqədar idi?
- Yox, bu barədə sizilə razı deyiləm. Axırıncı 15 dəqiqə yorğunluq var idi. Üç gündən-bir oynamağa da öyrəşməmişik. Bu tempə öyrəşməyə razıyıq.

- Bir transfer olmalıydı. Bu qrupa düşəcəyiniz təqdirdə baş verəcək?
- Qrupa düşəndən sonra bəlkə də birini yox ikisini transfr etdik. Təki qrupa düşək. Transferlə olar inşallah. Çünki ehtiyat skamyada oyunu dəyişəcək futbolçumuz yoxdu.