"Yanq Boyz"un yarımmüdafiəçisi Milan Qayiç müsahibə verib:

- Avrokuboklara yaxşı başlamamısız. İki oyunda da məğlubiyyət aldınız. Bu “Qarabağ” qarşısında hər hansı psixoloji təsir göstərəcək sizə?

- İnanmıram. Çünki artıq “Monako” ilə görüşlər geridə qalıb. Biz indi bütün fikrimizi “Qarabağ”la oyuna yönəltmişik. Qarşımızdakı rəqib “Monako” idi, elə-belə rəqib deyildi. Ona görə də çətinlik çəkdik.

- "Qarabağ” haqda hansı fikirdəsən?

- Bilirəm ki, yaxşı komandadı. Onların oyunlarını da izləmişəm. 

- Keçən il qrupda oynamasından da yəqin məlumatlısan...

- Bəli, qrupda oynadıqlarını bilirəm, özü də “Dnepr”ə səfərdə qalib gəliblər. 

- Həmin oyunlara baxdıqdan sonra “Qarabağ” haqda hansı fikir formalaşdı səndə?

- İstədiyi zaman hücum edib, istədiyi zaman da müdafiə olunmağı bacaran klub. “Qarabağ”la oyunlarımız çox məsuliyyətlidi. Bizim üçün vacib oyundu. Çətin olacaq. Amma biz sona kimi oynayacağıq.

- İlk oyundakı hansı hesab sizi Bakı səfəri öncəsi rahatlaşdıra bilər?

- Heç bir hesab bizi rahatlaşdırmayacaq. Biz İsveçrədə oyuna necə çıxacağıqsa, nəticədən asılı olmayaraq səfər matçına da elə çıxacağıq. Təbii ki, evdə qol buraxmadan qələbə qazanmaq daha yaxşı olardı.

Sportinfo.az