Dünən atılan püşkatmada Avropa Liqasının play-off mərhələsi üçün rəqiblər müəyyənləşdi.

Newsport.az-ın məlumatına görə, “Qəbələ” “Panatinaikos” ilə qarşılaşacaq. Yunanıstan klubunun kapitanı Zekanın (Xose Karlos Qonçalves Rodrigez) müsahibәsini təqdim edirik:

- Püşk haqqında nә deyә bilәrsiz?
- Fikrimcә, hәr iki tәrәf üçün çәtin olacaq. Çünki bundan әvvәlki görüşdә onlar "Apollon"u mәğlub ediblәr. 3 qәlәbә qazanaraq bu mәrhәlәyә kimi çatıblar. Maraqlı qarşılaşmalar bizi gözlәyir.

- Hәr kәs sizi favorit sayır...
- Normaldır. "Panatinaikos" Avropada daim çıxış edәb klubdu. Biz Çempionlar Liqasının qrupunda oynamışıq. Amma kimin favorit olduğu meydanda bәlli olacaq.

- "Qәbәlә" ilk dәfәdi ki, Avropa Liqasının "play-off" mәrhәlәsindә oynayır. Amma sizin tәcrübәniz var. Bu sizә kömәk edәcәk?
- Bunu bilirәm. "Qәbәlә" ilk dәfә "play-off"a kimi gәlsә dә, yaxşı komandadı. Düzdü, tәcrübәni nәzәrә alsaq, üstünlük bizdәdi. Lakin futbolda bәzәn tәcrübә dә işә yaramır.

- Püşkatma zamanı "Qәbәlә"ni arzulayırdız?
- Arzulamırdıq. Bizim üçün rәqibin fәrqi yox idi.

- Azәrbaycan haqqında nә bilirsiz?
- Heç nә. İlk dәfәdi ki, Azәrbaycanla bağlı bir şeyә rast gәlirәm.

- Bәs, Azәrbaycan çoxlu sayda braziliyalı futbolçu olduğundan xәbәriniz yoxdu?
- Bizim futbolçular bütün dünyada var. Hә, Anderson Oliveyra ("Simurq"da çıxış edib) var. Bir zamanlar Azәrbaycanda oynayıb.

- Sizin komandada ulduzlar Maykı Essien, Malden Petriç çıxış edir. Buna görә sizin indidәn mәrhәlә keçәcәyinizi demәk olar?
- Әlbәttә, onlar ulduzdular. Amma bu mәrhәlә keçәcәyimiz demәk deyil. Ümid edirәm ki, sizin dediyiniz kimi olacaq.

- Ötәn mәrhәlәdә "Qәbәlә" Kipr "Apollon"u ilә qarşılaşmışdı vә hәr iki oyunda qalmaqal yaşanmışdı...
- Bundan xәbәrsizәm.

- Kipr dә yunanların yaşadığı әrazidi. İndi isә "Qәbәlә" әsl yunan klubu ilә üz-üzә gәlәcәk. Düşünmürsüz ki, eyni hal yaşanar?
- Yox. Ümid edirәm ki, hәr şey qaydalar çәrçivәsindә baş tutacaq (qafqazinfo).