"Çox çətin sınaqdan sonra istədiyimizə nail olduq və pley-off mərhələsinə vəsiqə qazandıq".

Newsport.az-ın məlumatına görə, bunu "Qəbələ"nin futbolçusu Dodo Avropa Liqasının III təsnifat mərhələsinin cavab görüşündə "Apollon"a qalib gəldikləri oyundan (1:0) sonra deyib. 

Təcrübəli futbolçu qələbədə azarkeşlərin payının böyük olduğunu bildirib: 

"Matçdan öncə ayağımda problemlər olmasına baxmayaraq sevinirəm ki, işimin öhdəsindən gələ bildim. Bizi yaxşı dəstəklədiklərinə görə azarkeşlərimizə təşəkkür edirəm. Qələbədə onların da payı böyükdür".