Qudyonsson: "Bu, qeyri-peşəkarlıq nümunəsi deyil"

Kateqoriya: Avropa Liqası | Tarix: 23.07.2015 23:00

"İnter" - "Hafnarfyordur" qarşılaşmasından sonra İslandiya təmsilçisinin baş məşqçisi Heymir Qudyonssonun mətbuat konfransı keçirilib.

Newsport.az-ın məlumatına görə, adalıların çalışdırıcısı təyyarəyə gecikdiklərini əsas gətirərək, yalnız oyun haqda fikirlərini bildirdi və 1 sualı cavablandırdı.

- Baxmayaraq ki, ilk yarıda qapımızda qol gördük, fasilədən sonra toparlana bildik. Rəqib qapısından 2 top keçirdik. Təəssüf ki, azlıqda qaldıq və uğurumuzun davamını gətirə bilmədik. Hər halda yetirmələrim bacardıqlarının ən yaxşısını nümayiş etdirdilər.

- Futbolçularınız İslandiyada da "İnter"in oyunçularını təxribata sövq edirdilər, bu, Bakıda da müşahidə olundu. Bu, İslandiya futbolunun markasıdı?
- Bu, qeyri-peşəkarlıq nümunəsi deyil. Sadəcə, avrokubok yarışmasıdı, sərtlik qaçılmazdı. Hesab bərabərləşdikdən sonra isə azərbaycanlı futbolçuların oyunu uzatmaq cəhdləri yetirmələrimin ürəyincə ola bilməzdi. Futbolda bu cür hallar təbiidi.

Paylaş