"Qarşılaşma həqiqətən də gərgin keçdi. Oyunboyu üstün oynadıq"
Newsport.az-ın Qəbələyə ezam olunmuş məkdaşı xəbər verir ki, bu sözləri "Qəbələ"nin yarımmüdafiəçisi Rəşad Sadiqov deyib. O, "Dinamo"nu devirərək, Avroliqada bir üst mərhələyə vəsiqə qazanmalarını dəyərləndirib: "Rəqibi təzyiq altında saxlasaq da, nədənsə top qapıya getmək istəmirdi. Yenə sevincliyik. Son dəqiqələrdə də olsa, qələbə qazana bildik. Prezidentimiz Tale müəllimin bizi təbrik etməyəsi elə ən böyük mükafata dəyər".