"Bu gün güclü rəqiblə qarşılaşacağıq. "Neftçi" bizimlə müqayisədə böyük büdcəyə və yaxşı əcnəbi futbolçulara malikdir".

Newsport.az-ın məlumatına görə, bu sözləri "Mladost"un yarımmüdafiəçisi Mirko Rayçeviç Monteneqro mətbuatına açıqlamasında deyib.

Avropa Liqasının I təsnifat mərhələsinin ilk matçı çərçivəsində bu gün "Neftçi" ilə qarşılaşacaqları oyun haqda danışan Rayçeviç Bakıda yaxşı nəticəyə ümid etdiklərini bildirib:

"Yəqin ki, rəqibin futbolçuları hazırda pik formada deyil. Çünki "Neftçi"də xeyli yeni futbolçular var. Ancaq biz rəqibə hörmətlə yanaşırıq. Özümüzə inanırıq və Bakıda yaxşı nəticəyə ümid edirik".