Bu gün Avropa Liqasının qrup mərhələsində III turun növbəti oyunları keçiriləcək.

Newsport.az-ın məlumatına görə, turnirdə yeganə təmsilçimiz olan "Qarabağ" klubu növbəti matçına çıxacaq.

Ağdam təmsilçisi üçüncü görüşündə Ukraynada "Dnepr"in qonağı olacaq. İki oyundan sonra hər iki komandanın aktivində 1 xal olması matça olan marağı bir qədər də artırır. Bu görüşdə qələbə qazanacaq komanda qrupdan çıxmaq yolunda önəmli addım atmış olacaq. Kiyevdə keçiriləcək oyun Bakı vaxtı ilə gecə saat 00:05-də başlayacaq.

Qeyd edək ki, ilk görüşündə evdə "Sent-Etyen"lə 0:0 bərabərə qalan "Qarabağ" səfərdə "İnter"ə 0:2 hesabı ilə uduzub.

23 oktyabr

Avropa Liqasının qrup mərhələsi, III tur

00:05. "Dnepr" (Ukrayna) - "Qarabağ" (Azərbaycan) 0-1

Qol:Muarem Muarem,22,(0-1)
Hakimlər: Libor Kovarik, Kristof Menkl və Yan Patak (hamısı Çexiyadandır) 
Kiyev. "Olimpiyski" stadionu.