"Qəbələ”nin futbolçusu Nika Kvekveskiri UEFA Avropa Liqasının qrup mərhələsinin I turunun ötən gün keçirilən qarşılaşmasını buraxıb.

Newsport.az-ın məlumatına görə, buna gürcüstanlı yarımmüdafiəçinin dünən keçirilən oyunöncəsi məşq zamanı zədələnməsi səbəb olub.

Aldığı xəsarət onun "Anderlext”ə Brüsseldə baş tutan görüşdə oynamasına imkan verməyib. Kvekveskirinin meydana nə vaxt dönəcəyi müayinədən sonra bilinəcək.