"Neftçi” Avropa Liqasının I təsnifat mərhələsində Maltanın "Baltsan" klubu ilə qarşılaşacaq.

Newsport.az-ın məlumatına görə, Baltsan şəhərini təmsil edən komanda 1937-ci ildə yaradılsa da, hansısa ciddi uğuru yoxdu. Onlar indiyədək yalnız I divizionda 1-ci (2011) və 2-ci (2003) yeri tutublar.
Komandanın Malta Premyer Liqasında debütü 2003-cü ilə təsadüf edib. "Baltsan" elə həmin mövsüm 9-cu yeri tutduğu üçün birinci liqaya yuvarlanıb. Komandanın  yüksək liqaya qayıdışı 7 mövsümdən sonraya təsadüf edib. Onların ölkə kubokunda ən yaxşı göstəricisi isə 2009/2010 mövsümünə təsadüf edib. "Baltsan” 1/4 finala kimi irəliləyib.

Qeyd edək ki, iyunun 30-da "Baltsan”ı evdə qəbul edəcək "Neftçi” iyulun 7-də səfərdə meydana çıxacaq.