Avropa Liqasının 1/16 final mərhələsinin ilk qarşılaşmaları çərçivəsində İstanbulda baş tutan "Fənərbaxça” – "Lokomotiv” qarşılaşmasından sonra Rusiya klubunun futbolçusu Dmitri Tarasovun üzərində Rusiya prezidenti Vladimir Putinin şəkli olan mayka nümayiş etdirməsi ona baha başa gəlib. 

Newsport.az-ın məlumatına görə , futbolçu "dəmiryolçular” tərəfindən 300min avro məbləğində cərimələnib.  
 
Rusiya mətbuatında yer alan xəbərlərə görə, bu klub tarixində rekord cərimədir.  Bundan əlavə UEFA-nın futbolçuya verəcəyi cəza da onun maaşından çıxılaraq ödəniləcək. 
 
Qeyd edək ki, "Fənərbaxça” – "Lokomotiv” oyunu meydan sahiblərinin 2-0 hesablı qələbəsi ilə başa çatıb.