Noyabrın 5-də UEFA Avropa Liqasının qrup mərhələsinin IV turu çərçivəsində keçiriləcək "Qarabağ” – "Monako” oyununa maraqı normal səviyyədə adlandırmaq olar.

Newsport.az saytının məlumatına görə, satışa çıxarılan biletlərin 5000-i 1 gün ərzində satılıb. 
Bu məlumatı saytımızın əməkdaşına Tofiq Bəhrəmov adına Respublika stadionunun kassasının işçiləri verib.  İşçilər həmçinin satışa çıxarılan bir manatlıq biletlərin tükəndiyini nəzərimizə çatdrıb. Onlar artıq 1 manatlıq biletlər qalmadığını vurğulayıb.
Sevindirici məqam da var. Belə ki, əməkdaşımızın kassları "təftiş” etdiyi dövrdə stadionun ətrafında heç bir "qara bazar” işartısı görünməyib.