"Oyuna inamsız başladıq və erkən qol buraxdıq. Belə turnirlərdə daha çox təcrübə qazanmağımıza ehtiyac var".
 
Bu sözləri Newsport.az-ın Krasnodara ezam olunmuş müxbirinə açıqlamasında "Qəbələ"nin futbolçusu Aleksey Qay deyib.

Avropa Liqasının qrup mərhələsində "Krasnodar"a 1:2 hesabı ilə uduzduqları oyun haqda danışan ukraynalı futbolçu rəqibin onları təəccübləndirmədiyini bildirib:

"Məğlubiyyət heç kimi sevindirmir. Hətta ikinci qolu da vura bilərdik. Ancaq ustalıq səviyyəsi rəqibi məyus etməyə imkan vermədi. Əksinə son dəqiqələrdə "Krasnodar" fərqləndi. Rəqibin yaxşı komanda olduğunu bilirdik. Sürətli oynayacaqlarını da gözləyirdik. Bu baxımdan "Krasnodar" bizi təəccübləndirmədi".