Bu gün Avropa Liqasında qrup mərhələsinin ikinci turunun oyunları keçirilir.

Newsport.az-ın məlumatına görə, Azərbaycanı qitənin nüfuzuna görə ikinci dərəcəli klub turnirində təmsil edən "Qarabağ"da qrupdakı növbəti oyununa çıxacaq.

Ağdam klubu doğma meydanda Belçika "Anderlext"i ilə qarşılaşacaq. İlk turda İngiltərə "Tottenhem"inə uduzmuş Qurban Qurbanovun komandası həmin məğlubiyyəti mütləq unutdurmağa çalışmalıdır.

Təmsilçiimizin yer aldığı qrupda bu gün həmçinin Fransa "Monako"su İngiltərə "Tottenhem"i ilə münasibətlərinə aydınlıq gətirəcək.

UEFA Avropa Liqası
J qrupu
2-ci tur
1 oktyabr

22:00. “Qarabağ” - "Anderlext" 1-0

Qol: Riçard Almeyda, 36 (1:0)
Baş hakim: Oliver Draxta (Avstriya).
Bakı. Tofiq Bəhramov adına respublika stadionu.