Bu gün UEFA Çempionlar Liqasında 3-cü təsnifat mərhələsinin cavab oyunlarına start verilib. 

Newsport.az xəbər verir ki, Azərbaycan təmsilçisi "Sabah" da bu gün meydana çıxıb. 

Valdas Dambrauskasın komandası öz meydanında Danimarka çempionu "Orhus"la qarşılaşır.

Tərəflər arasında Danimarkada keçirilən ilk matçda "Orhus" 2:1 hesablı qələbə qazanıb. 

Saat 20:00-da başlayan görüşü fransalı hakimlər briqadası idarə edir. 

Bu cütün qalibi pley-off mərhələsində "Srvena Zvezda" - "Hapoel" (Ber-Şeva, İsrail) duelinin güclüsü ilə qarşılaşacaq. 

Məğlub tərəf isə Avropa Liqasının pley-offunda "Benfika" (Portuqaliya) - "Harts" (Şotlandiya) cütünün qalibi ilə üz-üzə gələcək.

UEFA Çempionlar Liqası

III təsnifat mərhələsi, cavab oyunu

11 avqust

20:00. "Sabah" (Azərbaycan) - "Orhus" (Danimarka) - 4:0 

Qollar: Velko Simiç, 59, Stiv Solvet, 67, Coy-Lens Mikels, 79, Xander Severina, 89

İlk oyun - 1:2

Hakimlər: Villi Delajo, Ervan Finjean, Valentin Evrard, Erik Vattellier 

VAR: Bastien Deşepi

AVAR: Nikolya Rainvill (hamısı Fransa)

“Bank Respublika Arena”