“Mən oyundan və nəticədən razıyam. Heyətimizdə bəzi problemlər vardı. Rauf Əliyev zədə səbəbindən oyunda iştirak edə bilmirdi. İvan Benitez və Səlahət Ağayevin də problemləri var”.

Newsport.az-ın məlumatına görə, bu sözləri “İnter”in baş məşqçisi Zaur Svanadze AZAL-la oyundan (1:0) sonra deyib.

Gürcüstanlı mütəxəssis görüşü belə şərh edib: “AZAL kimi komanda ilə oynamaq çətindir. Bütün bunlara baxmayaraq, yaxşı nəticə qazandıq və çox sayda qol epizodları yaratdıq. Çalışacağıq ki, növbəti oyunlarda da qələbələr əldə edək”.