“Araz-Naxçıvan”ın yadında qalacaq oyun

Kateqoriya: Ölkə futbolu | Tarix: 18.09.2023 10:57

Azərbaycan Premyer Liqasının VI turunda “Neftçi” ilə keçirilən oyun “Araz-Naxçıvan” üçün yaddaqalan olub.

Newsport.az xəbər verir ki, “Dalğa Arena”dakı matç naxçıvanlıların 25-ci ev qarşılaşması olub.

Komanda Premyer Liqa çərçivəsində 10-cu ev qalibiyyətini əldə edib. Digər qarşılaşmaların 7-də heç-heçə edən “Araz-Naxçıvan” 8 dəfə də meydanı məğlub tərk edib.

“Araz-Naxçıvan” Premyer Liqada ilk oyunu 2000-2001 mövsümündə keçirib. Komanda ilk qalibiyyətin də həmin mövsüm əldə edib. 2000-ci il avqustun 12-də “Dinamo-Bakılı” ilə oyun qolsuz bərabərliklə nəticələnib. 2001-ci il martın 12-də isə Quba “Şahdağ”ı ilə qarşılaşmada naxçıvanlılara texniki qələbə verilib.

Qeyd edək ki, “Araz-Naxçıvan” “Neftçi”ni 1:0 hesabı ilə məğlub edib.

Paylaş