Azərbaycan millisinin futbolçusu Musa Qurbanlı bu həftə yeni klubu  “Yurqorden”də debüt edə bilər.

Newsport.az "aftonbladet.se" saytına istinadən xəbər verir ki, bu barədə İsveç klubunun baş məşqçisi Tomas Lagerlöf məlumat verib. O bildirib ki, 21 yaşlı hücumçu İsveç çempionatının 17-ci turunda keçiriləcək "Elfsborq"la mərkəzi matçda oynamağa hazırdır.

Qeyd edək ki, iyulun 22-i olacaq sözügedən görüş Bakı vaxtı ilə saat 17:00-da başlayacaq. Hazırda turnir cədvəlində "Elfsborq" 36 xalla (15 oyun) 1-ci, "Yurqorden" 30 xalla (16 oyun) 4-cüdür.

Xatırladaq ki, bir neçə gün əvvəl M.Qurbanlıya  İsveçdə işçi vizası verilib. Bununla da futbolçunun yeni klubu “Yurqorden”də oynaması üçün yaranan hüquqi maneə tamamilə aradan qalxıb.