İyunun 22-də yay təlim-məşq toplanışı üçün Avstriyaya yola düşəcək "Qarabağ" hazırlıq zamanı 3 yoxlama oyunu keçirəcək.

Newsport.az-ın məlumatına görə, bu barədə klubun mətbuat xidməti məlumat yayıb.

Komanda iyunun 27-də "Ferentsvaroş" (Macarıstan), iyulun 1-i isə "Legiya" (Polşa)  ilə üz-üzə gələcək. 3-cü yoldaşlıq oyunundakı rəqibin və həmin matçın vaxtı barədə daha sonra məlumat veriləcəyi qeyd olunub.

Xatırladaq ki, "Legiya" "Qarabağ"la qarşılaşacağını daha əvvəl açıqlamışdı.