Mayın 11-də Azərbaycan Premyer Liqasında 34-cü tura start verilib.

Newsport.az xəbər verir ki, turun ilk matçı Zirədə baş tutub.

Avrokuboklara vəsiqə qazanmaq şansı azalan “Zirə” “Kəpəz”lə üz-üzə gəlib. Tərəflər meydanı hərəyə 1 qol və 1 xalla tərk ediblər.

Turun daha iki oyunu bu gün keçirilib. Əvvəlcə Qəbələdə eyniadlı komanda ilə “Turan Tovuz” münasibətinə aydınlıq gətirib. Üç qolun qeydə alındığı bu oyunda Tovuz təmsilçisi qələbəyə sevinib.

Günün son matçında “Qarabağ” “ASCO Arena”da “Səbail”in qonağı olub. Hazırda 84 xalla turnir cədvəlinə başçılıq edən “köhlən atlar” qalib gələcəyi təqdirdə çempionluğu vaxtından əvvəl təmin edəcəkdi. Ağdam təmsilçisi buna matçın sonlarında vurduğu 3 cavabsız qolla nail olub.

Turun qalan oyunları mayın 14-də və 17-də keçiriləcək.