Bu gün Ümummilli Lider Heydər Əliyevin 100 illik yubileyinə həsr olunmuş Beynəlxalq Minifutbol Turnirində qrup mərhələsinin son matçları keçirilib. 

Newsport.az xəbər verir ki, dörd oyun oynanılıb. Millimiz A qrupunda Serbiya ilə qarşılaşıb. Matç qolsuz bərabərliklə başa çatıb. Elşad Quliyevin rəhbərlik etdiyi kollektiv bundan əvvəl Çexiya ilə bərabərə qalıb (0:0), İtaliya (2:0) və Gürcüstanı (2:0) məğlub edib.

Azərbaycan millisi qrupu 8 xalla üçüncü pillədə tamamlayıb. Yığmamız mayın 5-də əvvəlcə pley-off oyununda digər qrupun ikincisi olan Fransa ilə münasibətlərinə aydınlıq gətirəcək. Bu cütün qalibi həmin gün yarımfinalda Qazaxıstanla qarşılaşacaq.

A qrupu

17:30. İtaliya – Çexiya 1:3
19:00. Azərbaycan – Serbiya 0:0

Serbiya 8 xal, Çexiya 8 xal, Azərbaycan 8 xal, Gürcüstan 3 xal, İtaliya 0

B qrupu

14:30. CAR – Türkiyə 2:10
16:00. Fransa - Qazaxıstan 1:3

Qazaxıstan 9 xal, Fransa 7 xal, Ukrayna 7 xal, Türkiyə 6 xal, CAR  0