"Turan Tovuz"un baş məşqçisi Ayxan Abbasov Misli Premyer Liqasının 28-ci turunda bu gün "Sumqayıt"la keçirilən oyunda (2:3) zədələnən futbolçusu Piruzi Marakvelidzenin durumundan danışıb.

Newsport.az-ın məlumatına görə, o, görüşdən sonrakı mətbuat konfransında gürcüstanlı yarımmüdafiəçinin 2-3 həftə komandaya kömək edə bilməyəcəyini deyib:

“Təəssüf ki, zədəsi ciddiyə oxşayır. Dartılma var. Yəqin ki, 2-3 həftə komandaya kömək edə bilməyəcək”.

Qeyd edək ki, 42-ci dəqiqədə zədələnən futbolçu Turan Vəlizadə ilə əvəzlənib.