“Gent”in (Belçika) kapitanı futbolçusu Vadis Ocica-Ofoe Konfrans Liqasının pley-off mərhələsində “Qarabağ”la oyunları buraxa bilər.

Newsport.az xəbər verir ki, bu barədə Belçika mətbuatı məlumat yayıb. 34 yaşlı yarımmüdafiəçi zədələnib. O, yerli çempionatın 20-ci turunda “Kortriyk”lə matçın (2:1) 16-cı dəqiqəsində sıradan çıxıb və əvəzlənib. Vadis dizindən əməliyyat olunub. Belçika millisinin keçmiş üzvünün yaşıl meydanlara nə vaxt qayıdacağı açıqlanmır. Lakin futbolçunun sağalma prosesinin bir neçə ay vaxt aparacağı gözlənilir.