“Qarabağ” italiyalı hücumçu Cankarlo Malkore ilə maraqlanır.

Newsport.az “nicoloschira.com” portalına istinadən xəbər verir ki, İtaliya C Seriyasında “Audake Çerinyola” klubunda oynayan 29 yaşlı futbolçu Ağdam təmsilçisi ilə yanaşı, "Apollon" (Kipr) və “ÇFR Kluj”in (Rumıniya) də maraq dairəsindədir.

Ancaq onun hansı klubla müqavilə imzalayacağı hələ ki, dəqiq deyil. 

Milanda dünyaya gələn forvard “Leççe”, “Noçerina”, “Çieti”, “Manfredoniya”, “Karpi”, “Çittadella” klublarında oynayıb.