"Hakimlər diqqətli olsalar, daha yaxşıdır" - Mahmud Qurbanov

"Bu sezon ilk dəfə idi ki, beşli müdafiə ilə oynayırdıq. Rəqibi əks-hücumlarda tutmaq istəyirdik. Çünki rəqibin mərkəz müdafiəçiləri ağırdı. İlk hissədə hər şey istədiyimiz kimi olmadı. Qapımızda qol gördük. Əks-hücumlar etdik, amma qol epizodumuz yox idi. Fasilədən sonra isə dördlü müdafiəyə qayıtdıq. Bundan sonra hücumda da oyunumuz yaxşı alındı. Deməzdim ki, rəqib 0:2-dən sonra arxayınlaşmışdı. Onlar qol vurmaq istəyirdi".

Newsport.az-ın məlumatına görə, bu sözləri "Səbail"in baş məşqçisi Mahmud Qurbanov Azərbaycan Premyer Liqasının 15-ci turunun "Neftçi" ilə oyundan sonra deyib. 

Qurbanov ölkə çempionatının 15-ci turunda komandasının "Neftçi"yə 1:3 uduzmasını şərh edib: "Birinci qolu vurduqdan sonra yenə də şansımız var idi. Amma matçın dönüş nöqtəsi hakimin təyin etdiyi ikinci penalti idi. Başa düşürük, “Neftçi”nin məqsədi çempionluqdur. Amma biz çempionluğa oynamırıq. Hakimlər diqqətli olsalar, daha yaxşıdır. İkinci penalti təyin edilməsəydi, bəlkə də geridönüş baş verəcəkdi. Bu, bəhanə deyil".

- Gələcəkdə beşli müdafiədən istifadə etməyi düşünürsüz?
- Beşli müdafiədən məcburiyyətdən istifadə etdik. Zədəlilərimiz var idi. Heç mövsümün əvvəlindəki yoxlama görüşlərində də beşli müdafiə ilə oyuna çıxmamışdıq. İlk dəfə oynasaq da, pis alınmadı. Müdafiə xəttimiz də yaxşı idi. Ola bilər ki, gələcəkdə də eyni sxemlə meydana çıxdıq. 





Xəbər lenti







Neftçi Qarabağ Qəbələ Sumqayıt Kəpəz Sabah Şamaxı Səbail Turan Tovuz Zirə
Banner left
Banner right