Macarıstanın Siofok şəhərində təşkil olunmuş Avropa Çimərlik Futbol Liqasının seçmə mərhələsində Azərbaycan milli komandası ilk oyununu keçirib.

Newsport.az-ın məlumatına görə, Rumıniya yığması ilə qarşılaşan komandamız 6:2 hesabı ilə qələbə qazanıb. Sabir Allahquliyev, Amid Nəzərov və Ramil Əliyev dubl edib. Millimiz turnirdə növbəti oyununu avqustun 8-də, Bakı vaxtı ilə saat 19:00-da Moldova yığmasına qarşı keçirəcək.