Azərbaycan Premyer Liqasının 4-cü turunda "Şamaxı" ilə oyun öncəsi "Qarabağ" qapıçısı Şahruddin Məhəmməliyevə dəstək nümayiş etdirib.

Newsport.az-ın məlumatına görə, Ağdam təmsilçisi bugünkü oyunun (saat 20:30) posterinə məhz qolkiperin şəklini qoyub.

Xatırladaq ki, Ş.Məhəmməliyev Çempionlar Liqasının pley-off mərhələsində "Viktoriya" ilə cavab oyununda (1:2) etdiyi səhvlərə görə tənqid olunub.

Qeyd edək ki, daha əvvəl “Qarabağ”ın direktoru Emrah Çelikel və baş məşqçi Qurban Qurbanov da Şahruddinə dəstəklərini ifadə ediblər.