"Qarabağ" "Liv Bona Dea Hospital" klinikası ilə sponsorluq müqaviləsi imzalayıb.

Newsport.az-ın məlumatına görə, tədbərdə klinikanın baş direktoru Taner Özbək jurnalistlərin suallarını cavablandırıb:

- Digər klublarla müqavilələr olacaq?

- Brend olaraq qardaş ölkəyə gəlməyimiz çox olmayıb. Hər sahədə görünməyə çalışırıq. İş birliyimiz hər sahədə davam edəcək. Başqa sahədə də olacaq. Amma ad vermək istəmirəm.

- Futbola marağınız necədi? 

- Anlaşma olmadan da futbolu izləyirdim. Dünənki matçı da izlədik. Doğrudu, nəticəyə görə üzüldük. Amma komanda Avropa Liqasında oynayacaq. Bu da da asan deyil. 

- "Neftçi" və "Qarabağ"la müqavilə şərtlərində fərqlər var?

- Yoxdu. Bu tərz müqavilələrdə qarşı tərəfin də tələblərini diqqətə alaraq razılıq olur.

- "Qarabağ"dan hər hansı xüsusi istək oldu?

- Burada hər iki tərəfin niyyəti önəmlidi. Hər iki tərəfin bir-birini dəyərləndirməsi vacibdi. “Qarabağ”ın Çempionlar Liqasına görə işləri çox idi. Ona görə söhbət yavaş irəlilədidi. Amma lap əvvəldən də hər iki tərəfin rzası var idi.

- Müqavilənin müddəti nə qədər olacaq? 

- Xoş niyyətli sözləşmələrdi. Uzunmüddətlidi. Bərabər olmaq istədiyimiz vaxta qədər davam edəcəyik.