23 yaşadək futbolçulardan ibarət Azərbaycan milli komandası bu gün Türkiyənin Konya şəhərində keçirilən 5-ci İslam Həmrəyliyi Oyunlarında növbəti oyununa çıxıb.

Newsport.az-ın məlumatına görə, yığmamız Mərakeşlə qarşılaşıb. Görüş 2:2 hesablı bərabəliklə başa çatıb.

14:00. Azərbaycan U-23 – Mərakeş U-23 - 2:2

Yığmamızın qolları 5-ci dəqiqədə İsmayıl İbrahimli və 49-cu dəqiqədə penaltidən Rüfət Abdullazadə vurub. Bu nəticədən sonra xallarını 4-ə çatdıran Azərbaycan qrup 2-cisi kimi yarımfinala yüksəlib.

Qeyd edək ki, Samir Əliyevin başçılıq etdiyi millimiz ilk oyunda Səudiyyə Ərəbistanında uduzub (0:1), İranın oyuna gəlməməsinə görə isə texniki qələbə əldə edib.