Avropa Liqasının III təsnifat mərhələsinin cavab görüşü çərçivəsində keçiriləcək "İnter" - "Atletik" (Bilbao) matçının hakimləri müəyyənləşib.

Newsport.az-ın məlumatına görə, "İnter Arena"da keçiriləcək oyunu Hollandiyadan olan hakimlər briqadası idarə edəcək.

Görüşün baş hakimi Türkiyə əsilli referi Sərdar Gözüböyük olacaq. Ona Bas van Dongen və Patrik Lankamp köməklik edəcək. 

Qeyd edək ki, avqustun 6-da keçiriləcək "İnter" - "Atletik" matçı saat 21:00-da başlayacaq.