"Qarabağ" "Rudar"la oyunda meydanda dominantlıq edən tərəf idi. Rəqibin heç bir şansı olmadı. "Qarabağ" hər şey etdi, ancaq qol vura bilmədi. Komandalar arasında böyük fərq var idi".

Newsport.az-ın məlumatına görə, bu sözləri "Qarabağ"ın yeni transferi Raydell Pupon Hollandiya mətbuatına açıqlamasında deyib.

Hollandiyalı futbolçu bu gün Çempionlar Liqasının II təsnifat mərhələsində "Rudar"la keçiriləcək cavab matçında oynamaq istədiyini bildirib: "Rudar"la cavab matçında oynamaq istəyirəm. Ancaq baş məşqçi məni oynadıb-oynatmayacağı ilə bağlı qərarını verməyib. Bu görüş mənim üçün əla debüt olar. Çempionlar Liqasında oynamaq mənim arzumdur. Çünki daha öncə bu turnirdə oynamamışam".

Qeyd edək ki, bu axşam keçiriləcək "Rudar" - "Qarabağ" oyunu Bakı vaxtı ilə saat 23:45-də başlayacaq.(qol.az)