"Rəqib haqda məlumatlar toplamışam"

Newsport.az-ın məlumatına görə, Avropa Liqasının I təsnifat mərhələsində "Neftçi" ilə qarşılaşacaq "Mladost" klubunun baş məşqçisi Nikola Rakoyeviç matç öncəsi açıqlama verib.

Çernoqoriya mətbuatına danışan təcrübəli mütəxəssis "Neftçi"nin cütün favoriti olduğunu bildirib:

"Neftçi" haqqda məlumatlar toplamışam. Onların heyətində 3 braziliyalı və bir neçə legioner futbolçu var. İlk oyundan maksimum gücümüzü ortaya qoyacağıq. Təbii ki, "Neftçi" favoritdir. Ancaq bu, hər şey demək deyil. İlk matçın evdə və ya səfərdə olmasının bizim üçün əhəmiyyəti yoxdur. Mən buna önəm verməyən məşqçilərdənəm".