"Bürünc medalı təmin etdik. Komandada olan hər kəsi təbrik edirəm. "Səbail"ə uğurlar arzulayıram. Çətin mövsüm keçdi, amma "Səbail" əla çıxış etdi. Aftandil Hacıyev yaxşı komanda qurub. Onlarla oynamaq heç də asan deyil. Bu oyun bizim üçün önəmli idi. Azarkeşlərimizi təbrik edirəm. İlk dəfə bürünc medal qazandıq. Hələ iş bitməyib, bu oyunda qələbə qazandıq. İnşallah finalda da qələbə gözləyirəm. Kuboka hazırlaşırıq, vaxtımız azdır. Bir daha hər kəsi təbrik edirəm".

Newsport.az-ın məlumatına görə, bu sözləri "Sumqayıt"ın baş məşqçisi Ayxan Abbasov Azərbaycan Premyer Liqasının sonuncu turunda səfərdə "Səbail"ə 1:0 hesabı ilə qalib gəldikləri oyundan sonra mətbuat konfransında deyib.

O, bu matçla parelel keçirilən "Zirə" "Sabah" oyununa (1:2) da toxunub: "Zirə"yə gəldikdə onların məğlubiyyətini gözləyirdim. Söhbət onlardan getmir, bizim çempionatdan hər şey gözləyirəm. Son 3 turda, biz xal itirdik, "Zirə" önə keçdi, sonra əksinə oldu. Əgər bu gün biz qalib olmasaydıq, vəziyyət başqa cür olacaqdı. Əsas qalib olmaq idi, bunu da bacardıq.