"Bu gün yaxşı oynamaq üçün əlimdən gələni etdim. Bunu  özümü yeni klubuma göstərməyə görə yox, formamın haqqını vermək üçün etdim. Oyunumun yaxşı alınıb-alnmadığına məşqçi və azarkeşlər qərar verir".

Bu sözləri Newsport.az-a "İnter"in futbolçusu Elvin Məmmədov Azərbaycan Premyer Liqasının 35-ci turunda "Qarabağ"a 2:1 hesabı ilə qalib gəldikləri matçdan sonra deyib.

Yeni mövsümdən sonra yenidən Ağdam klubunun şərəfini qoruyacaq E.Məmmədov bildirib ki, "Qarabağ"da rəqabət çətin olacaq:

"Özümü yaxşı tərəfdən göstərməyə çalışacam ki, əsas heyətə düşə bilim".

E.Məmmədov qeyd edib ki, azerkeşlərin onu fitə basmağı normaldır:

"İndi belə edirlərsə, sabah məni alqışlaya da bilərlər".

Xatırladaq ki, E.Məmmədov bu gün "Qarabağ"la müqavilə imzalayıb.