“Oyunçunu görməmişdim, topa ən qısa zamanda çatmağa çalışırdım. Sonra isə lazımsız reaksiya verdim. Əsas olan nəticədə qələbə qazanmağımızdır".

Newsport.az xəbər verir ki, bu sözləri Serbiya millisinin üzvü Filip Kostiç DÇ-2022-nin seçmə mərhələsində Bakıda yığmamıza qalib gəldikləri oyundan (2:1) sonra deyib.

"Ayntraxt"ın yarımmüdafiəçisi yerli mətbuata açıqlamasında bu görüşə çox hazırlaşdıqlarını bildirib: "Oyunumdan razıyam, daha yaxşısını da edə bilərdim. Belə rəqiblərə qarşı oynamaq çətin olur. Zehni olaraq çox çalışmışdıq, nəticədən razı qalmalıyıq. Qarşıda oyunlarımız var, asan olmayacaq, lakin bacaracağımıza inanıram”.