"Qarabağ"ın kapitanı Rəşad Sadıqov "Neftçi" ilə matçdan sonra Newsport.az-a müsahibə verib:

- Rəşad oyunla bağlınə  deyəcəksən?

- Məncə, gözəl oyun oldu. Azərbaycanın iki böyük klubu oynadı, hamı da məmmun qaldı.

- "Simurq”la oyunlardan sonra komandada yorğunluq hiss olunurdu...

- Çox yorulmuşduq. Elə oyun başlayandan da yorğun görünürdük. Şükür Allaha “Neftçi” qol vursa da , biz qələbə qolunu vurduq. Özümüzdə güc tapdıq.

- O zaman xarakter hesabına uddunuz?

- Əslində hər iki komanda xarakter göstərdi. “Neftçi” özü də iki qol buraxdıqdan sonra, hesabı bərabərləşdirdi. Biz də sonda qələbə qolunu vurduq.

- Matçdan sonra azarkeşlər səni yanına çağırdı...

- Hamı bilir ki, “Neftçi”nin də qəlbimdə böyük yeri var. Həm “Neftçi”, həm də “Qarabağ” mənə doğmadı. Hər iki komandanın azarkeşlərinə hörmətim var.

- Çempionluğa bir az da yaxınlaşdız...

- Yox , hələ bu barədə danışmaq istəmirəm. Hələ səfərdə ardıcıl iki oyunumuz var, “Qəbələ” və “Xəzər Lənkəran”a qarşı. Sona kimi mübarizə aparmaq lazımdı.