Premyer Liqanın XXXI turunda "İnter" doğma meydanda AZAL-ı 2-0 hesablı məğlubiyyətə uğradıb.

Newsport.az-ın məlumatına görə, "bankirlər"in baş məşqçisi Kaxaber Sxadadze oyunla bağlı fikirlərini açıqlayıb:

"Bu gün qələbə qazanmaq çox vacib idi. Görürsünüz ki, "Qəbələ" necə oyun sərgiləyir. Bütün bunları nəzərə alsaq, xal itirmək olmazdı. Oyunu çox ağıllı qurmuşduq. AZAL-ın 3 sürətli oyunçusu var ki, onlar əks hücuma əla çıxırlar. Biz də 3 mərkəz müdafiəçisi ilə oynayıb, AZAL tərəfdən gələ biləcək təhlükəni qarşılamış olduq. Daha sonra topu özümüzdə çox saxladıq və lazım olan vəziyyətlərdə qol vura bildik".