"Neftçi" ötən gün Azərbaycan Premyer Liqasının 30-cu turunda doğma meydanda "Qəbələ"yə 1:3 hesabıyla uduzdu.

Newsport.az-ın məlumatına görə, Bakı klubunun müdafiəçisi Elvin Yunuszadə qarşılaşmadan sonra jurnalistlərin sualların cavablandırıb: 

Bu oyunu unutmalı, qarşıdakı qarşılaşmalara baxmalıyıq. Məğlubiyyət üzücüdü, amma artıq görüş başa çatıb və bu, baş verib. Komandamızda 2 güclü qapıçı var. Aqil Məmmədovun yeri başqadı, Saşa Stamenkoviçin yeri bir başqa. Səhvə gəldikdə, bəyəm bu günə qədər hansımız buna yol verməmişik? Sadəcə, bu məqamda ona dəstək olmalıyıq ki, o, eniş yaşamasın. Məğlub olduqsa, komanda uduzdu. Bunu yalnız qapıçımız Saşanın ayağına yazmaq düzgün deyil.

Heyəti baş məşqçi qurur. Onun qərarına da hörmətlə yanaşmaq lazımdı. Belə qərar veribsə, bunu müzakirə etmək olmaz.

Hər iki komanda qələbə qazanmaq istəyirdi. Belə olan halda gərginliyin yaranması da başa düşüləndi. Meydanda olan orda da qalır, onu kənara çıxarmaq düzgün deyil. Bu həm də oyunun əhəmiyyətini ortaya qoymuş olur”. 

Biz ölkə kubokunda hələ heç nəyi təmin etməmişik. Avrokuboklara getmək üçün hər iki cəbhədə mübarizəni sona qədər aparmalıyıq. İndi heç kim deyə bilməz ki, ölkə kubokunu düşündüyümüzə görə Topaz Premyer Liqasına diqqətimiz azalıb. Qətiyyən belə deyil. Onu da deyim ki, bu yenilgi psixoloji durumumuzu pozmayacaq. Düzdü, çətin olacaq, amma baş məşqçimizin dəstəyi ilə “İnter”lə cavab oyununa yaxşı hazırlaşacağıq”.