İyunun 2-dən etibarən Avstriyada təlim-məşq toplanışında olacaq 21 yaşadək futbolçulardan ibarət milli komandamız hazırlıq prosesi çərçivəsində yoxlama oyunu keçirəcək.

Bu haqda Newsport.az saytına müsahibəsində AFFA-nın baş katibi Elxan Məmmədov məlumat verib. Qurum rəsmisi qeyd edib ki, bir müddətdir Çexiya tərəfi ilə danışıqlar gedir. Qarşıdakı həftədə razılıq əldə olunmalıdır. Lakin hələlik görüşün dəqiq tarixi məlum deyil.