“Sabah” klubunun akademiyası könüllülər üçün məşqçi köməkçisi, fiziki məşqçi, analitik məşqçi və tərcüməçi vəzifələri üzrə təcrübə proqramı ilə bağlı seçimlərə başlayır.

Newsport.az-ın məlumatına görə, burda iştirak etməklə, dünyanın ən məşhur futbol akademiyalarından olan Zaqreb “Dinamo”sunun metodologiyasına yiyələnə, peşəkar futbol mütəxəssisi olmaq olar.

Təcrübə proqramının müddəti 2 ildir. Layihəyə 18-28 yaşlı gənclər müraciət edə bilər. Namizədlərin ingilis dili biliyinin olması vacibdir. Təcrübə proqramı könüllülük əsasında həyata keçiriləcək. Nəqliyyat xərcləri akademiya tərəfindən qarşılanacaq.