Futbol üzrə Moldova çempionatında 19-cu turun oyunları keçirilib.

Newsport.az xəbər verir ki, azərbaycanlı futbolçu Nurlan Novruzovun formasını geyindiyi “Dinamo-Avto” da növbəti matçına çıxıb.

Sözügedən kollektiv doğma meydanda “Speranta” ilə qarşılaşıb. Futbolçumuzun komandası bu oyundan məğlubiyyətlə ayrılıb – 3:4.

Nurlan bu oyunun iştirakçısı olmayıb. Azərbaycanlı futbolçu sonadək ehtiyatda qalıb.

“Dinamo-Avto” 19 oyuna topladığı 22 xalla 8 komanda arasında 6-cı pillədə qərarlaşıb.