Litva çempionatında IV turun oyunları keçirilib. Newsport.az xəbər verir ki, milli komandamızın üzvü Kamran Quliyevin formasını geyindiyi “Jonava” klubu səfər oyununa çıxıb. 

Sözügedən kollektiv “Dziugas” komandasının qonağı olub. Görüş 0:0 hesablı bərabərliklə başa çatıb. “Qəbələ Futbol Akademiyası”nın yetirməsi bu qarşılaşmada 90 dəqiqə meydanda olub.

Qeyd edək ki, 4 turdan sonra aktivində 8 xal olan “Jonava” turnir cədvəlinin 3-cü pilləsində qərarlaşıb.